All That We Loved

၁၈ နှစ်အရွယ် အထက်တန်းကျောင်းသားလေး Go Yoo က ရုပ်ကလည်းချော ကောင်မလေးတွေကလည်း ဝိုင်းဝိုင်းလည် ဘက်စကက်ဘောကစားတာမှာလည်း ထူးချွန်ပြီး လောကမှာကြောက်ရတဲ့အရာရယ်လို့မရှိဘဲ သူချစ်မြတ်နိုးတဲ့ အရာတွေကိုချည်း ပိုင်ဆိုင်ထားတဲ့ အရာရာပြီးပြည့်စုံနေတဲ့ကောင်လေးပေါ့။ အဲဒါအပြင် သူနဲ့ မျိုးရိုးနာမည် နဲ့ ချောမောတာချင်းပဲတူပြီး ကျန်တဲ့အကြိုက်တွေ ဝါသနာတွေ ဘာဆိုဘာမှမတူတဲ့ Go Joon Hee ဆိုတဲ့ အချစ်ဆုံးသူငယ်ချင်းတစ်ယောက်ကိုလည်း ပိုင်ဆိုင်ထားပါသေးတယ်။ စာတော်ပြီး ကျောင်းရဲ့ထိပ်တန်းကျောင်းသားဖြစ်တဲ့ Go Joon Hee က ကျန်းမာရေးမကောင်းရှာတာမို့ သူငယ်ချင်းဖြစ်သူ Go Yoo ဆီက ကျောက်ကပ်ကိုအစားထိုးလက်ခံထားရတဲ့လူနာပေါ့။ ဒီလိုနဲ့ ကျောက်ကပ် လှူဒါန်းပေးထားရလောက်တဲ့အထိ ချစ်ကြတဲ့ သူငယ်ချင်းနှစ်ယောက်ကြားကို တစ်နေ့မှာ ကျောင်းပြောင်းကျောင်းသူ Han So Yeon ရောက်လာပြီး အရင်က ဘာဆိုဘာမှအကြိုက်မတူခဲ့တဲ့သူငယ်ချင်းနှစ်ယောက် ပထမဆုံးအကြိမ် နှလုံးသားချင်းထပ်တူကျပြီး ကောင်မလေးတစ်ယောက်တည်းကိုမှ အတူတူသဘောကျမိသွားတဲ့အခါ။