The OctoGames

နာမည်ကျော်ကြားမှုနဲ့ ပိုက်ဆံအတွက် သူတပါးဘ၀ကိုချနင်းရက်တဲ့သူတွေ ဘယ်လောက်များရှိနိုင်မလဲ။ ဒီဇာတ်လမ်းထဲက လူ ၈ ယောက်ကတော့ အဲဒီလိုချ နင်းရမယ်မှန်းမသိဘဲ ဂိမ်းတစ်ခုထဲ ဘုမသိဘမသိပါလာကြပါတယ်။ သူတို့ပါ၀င်ခဲ့ရတဲ့ဂိမ်းက OctoGames။ ရေဘဝဲဂိမ်းလို့ပဲအလွယ်ခေါ်ကြပါစို့။ ရေဘဝဲရဲ့ ခြေတံလက်တံ ၈ ခုကို ကိုယ်စားပြုပြီး ဂိမ်း ၈ မျိုး၊ လူ ၈ ယောက် ကစားတာကြောင့်ပါ။ ဂိမ်းအားလုံးက ကလေးကစားတဲ့ဂိမ်းတွေဖြစ်ပေမဲ့ ရှုံးနိမ့်သူတွေအ တွက်ပေးဆပ်လိုက်ရတာက တကယ့်အသက်နဲ့ဘ၀ပါ။ အဲဒီလူသတ်ကစားပွဲကြီးကိုဖန်တီးသူကတော့ follower သန်းပေါင်းရာချီတဲ့ နာမည်ကျော် YouTuber “ဂျက်စ်ပရို” ဆိုသူ ဖြစ်ပါတယ်။ ဂိမ်းရဲ့သရုပ်မှန်ကိုသိသွားချိန်မှာတော့ နောက်ပြန်ဆုတ်လို့မရတော့ဘဲ ကိုယ့်အသက်ရှင်သန်ရေးအတွက် ရုန်းကန်ကြရပါ တော့တယ်။ အဲဒီလိုနဲ့ ဘယ်သူကရှင်သန်ပြီး ဘယ်သူတွေရှုံးနိမ့်သွားကြမလဲဆိုတာကို ကြည့်ရှုခံစားရင်း အခက်အခဲကြုံချိန်မှာ တွေ့ရတဲ့သံယောဇဉ်၊ ကိုယ် ချင်းစာတရား၊ ကောက်ကျစ်စဉ်းလဲမှု၊ တစ်ကိုယ်ကောင်းဆန်မှု၊ လူတွေရဲ့ရူးသွပ်မိုက်မဲမှုတွေကို အထင်းသားတွေ့ကြရမှာပါ။